Burger Land (已結業)

天气好熟嘅时候就冇乜胃口，唔太想食饭同热汤面，所以就拣咗食汉堡～ 今次系我第二次食burger land，上次都系天气好热嘅时候食，仲记得佢地有得嗌水果茶好好饮好消暑，所以今次都拣咗水果茶饮。今次有lunch menu，不过佢系星期六日同公众假期先有，一set可以拣burger＋side dish＋嘢饮。我拣咗牛肉芝士汉堡＋薯格＋水果茶～ #牛肉芝士汉堡牛肉唔干唔柴，好多汁，仲好厚身，好好食！芝士都好香，因为牛肉嘅热力令佢有少少融，更加好食，唔系m记个啲黄色芝士，系靓啲个只。最钟意系佢个包，佢个包好松软，唔干唔硬，食落好软熟，同埋佢有少少面粉系上面，令到个包唔会好湿，成件事变得好好食！#薯格薯格比得几多，加埋好饱，完成唔会食唔饱，同埋佢嘅薯格唔会炸得好干、冇乜薯仔食，块块都好大块，所以食完好满足！不过系有有偏咸。#水果茶有好多水果，有苹果、热情果等等。饮落好清甜，好解渴！同埋都大杯！