泰式食

营业中

休息中

平时去到铜锣湾，同朋友食开嘅都可能系日式或者韩式菜，但系讲到泰国菜嘅我谂应该唔系好多啦。今日朋友带我嚟金百利隔离成日好多人排队好多人派传单嘅呢一栋商业大厦，去试呢一间泰式食。一入去就见到好多泰国嘅装饰，有tuktuk车! 而且听店员嘅口吻，好多都好似识讲泰文咁嘅。我哋一坐低见到有个套餐牌，见到上面嘅嘢都几啱食而且价钱都唔贵㖞三百几蚊两个人除翻开都系百零蚊又有两个饭又有甜品，够晒食啦！首先嚟嘅系驰名冬阴公汤，唔会好难，但系有冬阴公酸酸甜甜嘅感觉，好开胃，而且入边都好足料，有矮瓜，椒，仲有啲鸡肉添，而且鸡肉唔会系好鞋嘅。之后就想泰式猪肉串烧，我自己好钟意泰式串烧𠮶啲沙嗲酱嘅，仲食咗一盒粒花生，又香口，正！之后就有青咖喱鸡，同埋飞天炒通菜，每样野都不过不失嘅，要赞嘅系其实每一样野都好大碟，两个女仔绝对够食，仲有两个大白饭添。而甜品方面就有芒果布甸啦，入边嘅芒果唔会因为系甜品而俾得好少，一句讲晒足料夹大件。仲要一赞嘅系员工好快手，如果见到你冇水嘅就会即刻斟俾你，见到你一举手就会行过嚟问你需要啲咩，而家系食肆黎讲都算好难得㗎啦。