南記粉麵 (渣華道)

营业中

休息中

廿年前系因为南记而开始爱上酸辣小窝米线。𠮶阵时都未有谭仔，其他米线铺仲未大行其道。之后因为南记质素下降左，啲汤淡左，而又有其他选择所以冇食南记好几年。呢日去开北角又见有南记，所以买左碗麻酸辣春卷小窝米线加大肠。外卖冇讲明都已经帮我米线同汤分开装，好细心。试过其他米线舖先知道酸辣米线（甚至小窝米线）都唔一定有韮菜，酸菜同腐竹。而今次再试南记小窝米线觉得佢回复番我最初食时嘅水准。汤底唔水，厚身，酸味适中可以话系小小偏甜，但啱我，好好味。冇另加但都有唔少酸菜，甜甜酸酸，少量芽菜，韮菜，肉碎，同埋见到有腐竹！好感动！真系唔可以take for granted! 喺关注组学左点叫先会跟四条春卷😎 春卷依旧好野味。大肠就比较有个性， 一开始只见到大肠碎，仲以为佢唔记得俾我🙈之后见到两块好长好似冇切嘅大肠😅好味道，但比较薄身。啲米线就比较淋，唔系爽口𠮶种，但外卖嚟讲都可以接受。