圓山飯店 (裝修中)

圆山小炒皇🥢小炒皇喺间间酒楼都会有少许变化，依度嘅小炒皇除咗有韭菜、虾干、鱿鱼依啲常见嘅配料，仲有蚬肉、银鱼仔、叉烧，韭菜翠绿而且嫰身，唔会食到有渣，整体嘅调味都非常合适，有时啲小炒皇会偏咸，而依度嘅鲜味相对出啲唔会太重口味，就咁夹嚟食都唔错👍蚝仔煎蛋🍳大量嘅蚝仔铺咗喺面，见到系大大只而且饱满，几乎每一啖都会有蚝肉，相当足料，煎蛋亦都加咗葱花所以香啲，配埋个甜甜酸酸辣辣嘅汁就更开胃👌当红炸子鸡🐔依个半只炸子鸡，鸡皮嘅最外层炸得好香脆，而下层仲保留一啲脂肪所以油香充足，鸡肉嫩滑多汁，唔错！皮蛋肉松豆腐🥢有时去酒楼食野都会叫番碗白饭送𩠌，而依度可以叫台式肉燥饭同台南担仔面，大概系一人份量，比叫白饭更加丰富好味🍚