蟹仙海鮮蒸氣鍋 (已結業)

吃货都知道元朗系美食嘅集中地。今日就带住怕油腻嘅妈妈食蒸气海鲜锅。蟹仙老板原来系海鲜嘅直销商，每日精心挑选最新鲜、质素最高嘅先拎番黎呢度俾客人做蒸锅。$298/1位 海鲜餐虽然唔系放题，但系已经好丰富！包括：澳洲青年龙虾/黄膏大奄 2人1只青口+蛏子皇+象拔蚌仔深海龙趸片+鲍鱼海虾 同蔬菜篮最后仲有个南瓜排骨粥食。佢地自制嘅柑桔柠檬都几好饮，常温唔太甜！未到繁忙时间时老板话俾我地知，黄膏肉蟹好罕有，可能一日精挑细选都得几十只。黄膏肉蟹望落爆膏肥美、膏呈鲜橙色。澳洲青年龙虾一样色泽鲜明通透、爆膏店员会帮我地每样食材顺序放入蒸锅，电磁炉计时唔会过火。店内采用嘅石锅传热均匀，唔会收干水份。黄膏肉蟹同龙虾都系蒸5分钟左右。蟹真系非常新鲜，仲要系重皮蟹！老板娘话呢个时候嘅蟹系最肥美，肉质好鲜甜。澳洲青年龙虾：同样有膏、肉质鲜甜弹牙。蛏子皇同象拔蚌蒸完唔缩水，肉质非常爽口鲜甜。海虾每人3只，新鲜易离壳，爽口弹牙。龙趸片鱼皮QQ,鱼肉弹牙。鲍鱼厚肉唔韧、鲜味！蔬菜好翠绿，食落又唔会太干。排骨粥底吸收晒海鲜、蟹水嘅精华变得咸鲜。四人同行仲送椰汁炖官燕足料唔太甜，滋润。