立鮨 (安富大廈) (已結業)

几年前开始香港越黎越多立食寿司店～主打高质寿司，由于冇座位，所以价钱比出边平。今年留意到有趣嘅现象，而家呢啲寿司店都有位坐啦！简直系我呢啲超钟意食寿司嘅人嘅福音，因为我可以用唔太贵嘅价钱食到超高质嘅寿司，仲可以舒服咁坐添！之前想食立鮨都要去铜锣湾同尖沙咀，今日去完荃湾附近见完客先发觉原来荃湾都开左分店，即刻排队入去食。叫野食就用呢几年都好流行既电话点餐，疫情之下又方便又衞生。好快我地就点完餐，首先我地叫左三文鱼腩同带子寿司，好鲜甜同好厚切好有口感。之后叫左火炙左口鱼寿司，好有炙烧既香味，同埋左口鱼入口即融！然后分别叫左我地最爱既大拖罗同中拖罗，拖罗既油脂香真系超正，超出色。仲要劲厚切，超足料最后叫左个迷你三文鱼籽丼，本身想叫三文鱼籽军舰，碌碌下见到呢个丼成个面都系三文鱼籽超吸引，即刻改变主意忍唔住要试下！ 结果真系一啲都冇失望，啲三文鱼籽好足料仲要劲鲜甜，正！一次过食左好多好好味既寿司，超满足既一餐！