北料南麵 (已結業)

呢间小店，其实我早喺1年几前已经帮衬过一次，果时落住雨是但揾间米线食，就入左去。食完发现啲面又足料又好食，但系铺头竟然系无乜人。同店员姨姨倾计，佢话老板系喺重庆果边学古法做面，系跟足晒果边啲方法，配方黎做，希望大展拳脚，但开业生意麻麻，老板都打算结业。临走前我仲同姨姨讲，其实openrice有9个好评无负评，香港人系钟意你地既味道架。估唔到1年几后，佢地仲做紧，生意仲比以前好。内在环境好舒适，整洁。美食种类众多，为大家一一介绍。麻辣牛腩大肠面，面质好弹牙，汤底好浓带麻，中意食辣会觉得好正。牛腩冧中带咬劲，大肠忟得够冧，𩠌够晒足料抵食。麻辣狂牛面系另一款主打，我大食加左响铃同云耳。狂牛面有牛展牛肉牛根牛腩等，又系足料之作，响铃云耳亦见新鲜。口水鸡亦不得不食。鸡香嫩，麻辣香加上葱花，鸡皮滑，口感味道一流又浓味，送饭较好。海哲好食，新鲜弹牙。本身冇味既海哲配上麻辣，令人食指大动。口感味道配合唔错。哈哈，食到呢度真系好饱。我地系叫多左，因为估唔到水饺入面咁足料。冬菇鸡肉饺，好浓香菇味，肉汁够多。加上少量麻辣，唔会太抢饺既味道，又增加刺激感。其实我地都怕辣架，叫左少辣，个咀都变孖润肠。随左叫左豆