燒皇燒烤雞煲專門店

营业中

休息中

天气热辣辣最好就系开大冷气食鸡煲，今次去依间上水的烧皇烧烤专门店，除左有鸡煲仲有串烧等烧物，我想食既嘢都有齐晒。 我朋友唔太食得辣，所以我地点左椰子鸡煲（半只），加拿大特级牛肩肉及安格斯肥牛，白鳝片，响铃，娃娃菜，烧物叫左鹅肝多士，烧蚝，递单时店员好意提点烧物可以食完鸡煲先点，我地都大赞佢够细心。 椰子鸡煲好香椰子味，原来系用新鲜椰子，加上雪耳，红枣，杞子等等配料，未食已经有味觉的满足，侍应代为落鸡件，我地叫左半只都好多件鸡，滚起后朋友先饮一啖汤，大赞清甜，我地当然唔好执输一人饮一碗，真系好清润。至于配料，我觉得牛肩肉及安格斯肥牛各有各好，牛肩肉油脂偏少，但牛味香浓；安格斯肥牛偏肥带油脂，入口溶化，二款牛都系我的最爱。 食到最后太饱的关系，我地只点了鹅肝多士，鹅肝比较细和薄，口感欠奉，但多士蒜容味香焗得够脆口，下次要留肚再试埋其他串烧。