泰坊 (已結業)

🥢🍜🇹🇭足料泰式汤面☑️秘制冬荫功脆肉面 -$48面条可以选择鸭蛋面、斑兰面或金边粉，今次选左斑兰面，虽然个面系绿色，不过由于汤底太浓味，所以完全食吾到斑兰味，不过面条几弹牙同挂汤。至于汤底系几出色，冬荫功汤酸辣开胃，几浓味惹味，不过夜晚会好口渴😂脆肉有3-4件，系好厚切嘅烧腩仔，但个脆皮浸左汤变得好硬。另外+$5可以有其他配料，加左猪颈肉，都有3-4片，但略嫌较硬及不弹牙。配料有吾少椰菜丝、香茅同九层塔，都几抵食，仲包热饮。☑️游船汤河（猪）🍜 -$68面条可以选择河粉、金边粉、米粉、米线，也可选白饭。都可以转冬阴功汤，而呢一碗我哋就keep住要船汤，配料好多，每款都有两三件，包括腩肉、猪红、猪肉丸、猪皮、猪润，仲有好多芽菜、通菜、九层塔。船汤吾错几浓味，有少少药材味，几特别，值得一试。🆗咖喱软壳蟹配印度薄饼🦀- $88印度薄饼可以转蒜蓉包条，薄饼切成八小块，方便点汁同食，但佢系薄身果只烤饼，吾系naan，比较硬同都吾太脆。软壳蟹有四件，新鲜炸起，又热又脆，但系个蛋椰汁咖喱就比较淡，咖喱味唔够香浓，不过蛋味就好出，性价比几高，因为呢个晚市套餐仲包一碗冬阴功汤及热饮。