椰小盅燉湯專門店 (已結業)

今日来丽港城探朋友顺便喺附近食饭，好耐冇饮炖汤啦。餐牌有好多款炖汤选择，主打椰小盅炖汤，仲可以加钱转套餐，有饭有𩠌有菜有甜品。虫草花干贝土鸡炖鲜鲍椰小盅好大盅，用鲜椰汁炖，🤩汤非常清甜，清澈少油，饮到最后都系热辣辣；材料丰富，有虫草花，干贝，土鸡，😍大大只鲜鲍鱼，鲍鱼厚身，爽口鲜味，鸡肉多肉少脂肪所以先会咁清；整体除咗鲜味仲有保健作用，平肝固肾、提升免疫力👍🏻捞公仔面，秘制鸡翼 （+$12）鸡翼够晒大只，非常入味；秘制酱汁捞公仔面好惹味，面身爽口弹牙。自家豆浆豆味香浓，不过就系细杯左啲。🥒爆爆青瓜(中份）青瓜爽脆，酸酸辣辣非常开胃。椰香烧卖8粒烧卖饱满，烟韧弹牙，加咗椰丝另有一番风味。桂花鲜奶炖蛋白好香奶味同桂花味，质感滑溜，入口Creamy😋蚝油菜心菜心爽脆翠绿，切开左一段段方便食用。