醉胡爐 (已搬遷) 新店位置

系FB见到介绍呢间火锅，睇见好出色，所以就同老婆book位黎试下。入到去背景音乐系纯音乐，第一感觉好高档，楼底高，摆设左好多唔同嘅酒同埋饰物装饰，呢到大部分都是卡位，唔惊比隔离枱嘈到。$1 火焰龙虾海鲜锅波士顿龙虾再加贵妃蚌，店员倒下小小白酒，再用火枪点着，红红嘅火焰立即点着，我同老婆都立即叫咗一声哗！店员炒好龙虾同埋贵妃蚌之后，将汤底倒埋落去，将盖合上，随即告诉我哋等等先尝尝汤底，之后再食海鲜，最后才食火锅料。汤底味道非常之鲜甜，龙虾味浓，我同老婆都各自饮咗两大碗龙虾非常鲜甜，肉质鲜嫩、爽口贵妃蚌大大只，肉质爽口弹牙象拔蚌刺身：超级新鲜，好爽口，劲正火锅配料：午餐肉：手工云吞、 鲜虾带子水饺、芝心墨鱼丸（半份） 西班牙黑毛猪豚肉：呢个我个人十分钟意，猪味十足肉质嫩滑，唔鞋口总结：呢度环境舒适，食物品质高，再加上做紧优惠一蚊龙虾海鲜锅，店员话本身优惠做到月尾，但因为反应热烈，应该会加推，我同老婆都会系优惠做完之前再嚟多次。