拾壹麵 (已結業)

好钟意食车仔面, 但每次食完都好口渴, 要饮返好多水先舒服。听朋友话佐敦有间用足料老火炖汤做既台湾面, 一于黎试下佢个汤底。地方唔太大但高朋满座, 台上放了点餐纸和笔, 系自助式叫餐。只是见面既种类, 都已经有十几款, 超多选择。我就点左佢既招牌猪润面, 再加台湾香肠同老水猪大肠, 配上米粉。先饮一啖汤, 真系原味老火汤黎, 好正。猪润咬落好爽唔易散。但最好最好味既, 都系老水猪大肠, 非常入味。朋友点左猪手加肉燥同韩牛, 配上韩国粗粉丝。猪手够腍又入味, 好大件。牛肉就分唔出系咪韩国, 因为我地都唔系牛专家, 面底就唔错, 可能系粉丝关系, 所以索晒汤汁, 好味。除了面之外, 我地仲点左几款小食。葱油小圆饼, 一口咬落去就爆汁爆饀, 好juicy。老水鸡中亦, 唔洗我多讲, 一睇就知好入味。陈醋木耳, 酸酸地又爽脆. 好开胃。口水鸡, 麻辣度适中, 鸡肉够滑。