影片
更多
2022-11-27
510 浏览
九龙城呢个美食天堂除咗泰国菜之外，亦有好多火锅店，今次去咗「龙城金记海鲜火锅」大叹港式边炉。 餐厅感觉几新净，大部分座位都系卡位，而且够阔落，坐得几舒服。 食物方面，汤底同火锅配料选择非常多，单单汤底已经有二十多款，花多眼乱呀！配料由肉类、海鲜、蔬菜至丸同饺都有，而且性价比几高。 金银菜猪肺 拼 冬瓜元贝鸡锅 （$108）必须要大赞呢度嘅汤底好足料，金银菜猪肺锅有啖啖菜干同猪骨味，而且都有几多汤料，至于冬瓜元贝鸡锅比较浓味啲，餐厅好慷慨比咗好多元贝，好鲜味，入面嘅鸡件仲几滑。另外加$10就可以双拼鸳鸯锅（以价钱较高锅底为主锅），几开心㖞！❤️❤️ 手切鲜肥牛 （大）（$268）手切肥牛份量都几多，厚度适中，望落脂肪唔算多，食落带少许筋，整体牛肉味几浓。 马刀贝 （$128）＆ 桂花蚌 （$128）海鲜好新鲜，马刀贝肉几大粒，桂花蚌份量正常，好爽口味道唔错。 😋新鲜鹅肠 （$78）一份都几大碟，鹅肠处理得够干净，食落好爽脆带点鹅油香。 鲜炸响铃 （$58）新鲜脆炸热辣辣响铃，一份有8件，食落无成口油，浸埋汤底食就perfect！ 👍👍炸芋头 （$48）呢个炸芋头惊有惊喜，芋头够粉，刚炸好就咁
餐厅感觉几新净，大部分座位都系卡位，而且够阔落，坐得几舒服。
食物方面，汤底同火锅配料选择非常多，单单汤底已经有二十多款，花多眼乱呀！配料由肉类、海鲜、蔬菜至丸同饺都有，而且性价比几高。
金银菜猪肺 拼 冬瓜元贝鸡锅 （$108）
必须要大赞呢度嘅汤底好足料，金银菜猪肺锅有啖啖菜干同猪骨味，而且都有几多汤料，至于冬瓜元贝鸡锅比较浓味啲，餐厅好慷慨比咗好多元贝，好鲜味，入面嘅鸡件仲几滑。另外加$10就可以双拼鸳鸯锅（以价钱较高锅底为主锅），几开心㖞！❤️❤️
手切鲜肥牛 （大）（$268）
手切肥牛份量都几多，厚度适中，望落脂肪唔算多，食落带少许筋，整体牛肉味几浓。
马刀贝 （$128）＆ 桂花蚌 （$128）
海鲜好新鲜，马刀贝肉几大粒，桂花蚌份量正常，好爽口味道唔错。 😋
新鲜鹅肠 （$78）
一份都几大碟，鹅肠处理得够干净，食落好爽脆带点鹅油香。
鲜炸响铃 （$58）
新鲜脆炸热辣辣响铃，一份有8件，食落无成口油，浸埋汤底食就perfect！ 👍👍
炸芋头 （$48）
呢个炸芋头惊有惊喜，芋头够粉，刚炸好就咁食都好好味！ 😉
散尾云吞 （$68）＆ 自家制韮菜饺（$58）
各自一份有8粒，馅料好有份量，云吞入面有原只鲜虾，个人比较喜欢韮菜饺，皮薄多馅，食落好juicy，唯独调味略为重手咗啲。
杂锦时蔬 （$48）
蔬菜篮入面有4款菜，有生菜、油麦菜、小白菜及菜心。份量几足而且够新鲜，菜心几甜。 😊
餐厅食物质素唔错，价钱亦好相宜，店员会主动加汤，服务好贴心。见其他客人点咗海鲜好新鲜好吸引，有机会要再嚟试下！😉
张贴
