吞POT 雞煲火鍋.住家菜 (山林道) (已結業)

谂起自己都有一段时间冇食鸡煲，近排见到IG𠮶度有好多人post鸡煲同边炉，搞到我都心血来潮好想食，于是就约咗一齐去尖沙咀食鸡煲。滋补螺片花胶鸡煲 $208鸡汤味相当浓郁，饮落去都系鲜甜，当系汤饮都觉得好好味唔会太咸。鸡肉应该系新鲜鸡，食落去好滑嫩同鲜甜。另外螺片份量颇多，咬落去都几弹牙，而且花胶完全对得起个价钱，相当大块，对贪靓嘅女士来讲真系唔点唔得。西班牙顶级黑豚猪梅肉 $118呢度嘅猪肉切得好薄，而且瘦肉偏多，唔会有好多肥膏，点为芝麻酱或者豉油，食得又健康又美味。猪颈肉片 $85呢度嘅猪颈肉片都有好几片，饱到食唔落，每一旧都好有弹性同滑嫩，加埋落去打边炉真系好正！