滾得棧 (已結業)

今日同屋企人出开果烂买生果，经过一间新开既火锅店，装修几靓，门口有个大鱼缸，咁肯使钱装修，老板应该有返咁上下要求，应该唔会中伏既。。。叫左胡椒猪肚汤拼番茄芫茜豆腐汤，胡椒猪肚汤猪肚淋身，胡椒味几重，重得黎唔辣，劲足料 ，老板话真系可以当汤饮！桂花蚌并珊瑚蚌，好新鲜，爽口无雪味。老板话招牌菜系手切牛颈脊，牛控既我当然要叫啦，碟牛一到，大家都话咗一声，好大碟，牛肉脂肪靓，渌几秒就食得，正到一个点！318蚊有咁大份又咁靓既牛，抵食！鱼皮都系新鲜炸起既，送酒一流！叫左支蓝妹啤酒，餐厅细心，用上冰杯，抵赞！另外，四位以下大部分都可以叫半份，价钱就除开一半，人少都可以叫多几样，可见呢到系细心既！走个时，老板话佢地有两间分店，睇返OpenRice 先知系好嘢黎！