友利冰室 x 勿當奴 (D2 Place TWO) (已結業)

鲜🍅焗厚切🐷扒饭：9 x ❤️乳🐷卡邦尼🇮🇹粉：8 x 🧡花胶螺头炖🐔汤：8 x 🧡叉烧🔥拼烧腩仔：7 x 💛呢道有啲似快餐店模式，先点嘢食同俾钱，唔同嘅系之后会有专人送埋餐上枱。有名又有特色嘅乳猪卡邦尼意粉，当然要试吓，个卖相都唔错，乳猪香脆，卡邦尼意粉几好味，绝对物有所值。鲜茄焗厚切猪扒饭比想像中出色，金黄拉丝芝士下面，系用番茄同埋茄膏茄酱调制嘅浓厚酱汁，厚切猪扒松软，而且夹有少少肥肉，啖啖肉食得好过瘾，个炒饭底亦好出色，干身香口，其实都真系有啲惊喜。双拼烧味饭炖汤套餐都好抵食，炖汤热辣辣而且材料十足，叉烧同烧腩仔卖相都好靓仔，如果烧腩仔嘅皮做得松脆啲就更一流。总体嚟讲，出品同性价比都算系好唔错。