龍德樓 (已結業)

衬天气都仲凉凉地，一于就去食下煲仔饭。虽然餐厅地方不大，但系给予人一种食家庭小菜的感觉。杏汁菜胆炖白肺汤诚意之作，杏汁香味浓郁，味道突出，白肺完全冇腥味，处理得好好。日月鱼炖赤肉汤有瑶柱、冬菇，猪肉等材料，相当足料。汤既味道清润鲜甜，都几唔错。鲍鱼金蚝虾干煲仔饭原只鲍鱼，份量十足，一个煲仔饭已经有两只鲍鱼，同时配上金蚝同虾干，金蚝味道香浓，虾干好大只，鲍鱼盛宴呢个名真系无改错。虾酱猪颈肉煲仔饭主角绝对系个虾酱，其虾酱配合猪颈肉，融入到食材中，咸香味十足，送饭一流。西兰花炒带子食落西兰花爽脆，带子则嫩滑，看似简单，但整得好食一d都唔易，呢度做得好好。