大湯家 (已結業)

睇 app 见到呢间告急，专登走咗过去帮衬。未去到之前，仲以为炖汤店会好似谭仔咁格局传统，成间店都系由啲阿姐打骰，点知原来系间装修新派嘅小店。嚟呢度帮衬，炖汤当然系主菜，我拣咗 “男女恩物” 椰子乌鸡排骨炖汤，而家晚市惠顾一客炖汤加十蚊可另选餐牌上任何食物，我唔太肚饿，冇拣到蒸饭，叫咗客吞拿鱼饭卷。首先要赞下个炖汤，非常足料，我𡁻椰子，乌鸡同排骨都𡁻到口软😆，汤水份量亦非常多，未开盅盖时，啲汤系满到渗咗出嚟。味道方面，我觉得略为偏浓同偏咸，如果轻手少少会更理想。至于个饭卷则无论卖相同配料都好平实，充满住家嘅味道。临走时，见门口有良心糖果可取，我拎咗条迷你万乐珠，立刻啪咗一粒，甜甜嘅味道中和咗刚才炖汤嘅咸味，口中甜，心更甜❤️。