媽咪雞蛋仔 (已搬遷) 新店位置

好耐无食过鸡蛋仔，因为好多时食鸡蛋仔都会有d失望，今日行过希云街见到妈咪鸡蛋仔见到好多人排队就走过去买。即叫即整，要等一阵先有。绿茶朱古力鸡蛋仔 $29新鲜热辣，份量都好大块，粒粒都好饱满，爆哂馅，唔似其他舖头通常得一半馅。外脆内软，好烟韧，绿茶味香加上朱古力甜度适中，朱古加粒增加口感。芝士鸡蛋仔 $35我地另外叫多个黎share，芝士味浓郁，好香，咸中带甜，蛋香味都突出。柠檬茶柠檬水$20@跟餐可以减$4，佢地系无冰嘅，鲜榨柠檬好清新，又唔会太过酸，夏天饮好解渴。