餃里 (蕪湖居)

营业中

休息中

今日同朋友去黄埔食饺子，虽然铺位细细，但系好受欢迎，食饭时间见到好多人排队! 饺子款式有好多，基本既白菜鲜肉，韭菜鲜肉，芹菜鲜肉，香茜鲜肉饺等等。特别D既可以简煎饺，有芝士粟米饺! 简汤饺的话，汤底仲有3款简!今日叫左白菜鲜肉，韭菜鲜肉，芹菜鲜肉汤饺，原来叫9只可以叫3拼架! 平时出去食最多得双拼，3拼就可以试多D款! 汤底简左无花果栗子素汤。每只饺子都大大粒，好足料，咬落去都见到入面好多料，调味都系岩岩好。饺子皮又唔会浸到太淋~ 无花果栗子素汤好好饮，完全冇味精既感觉，同时都唔会好咸，整体感觉系健康得黎又好食! 煎饺叫左泡菜同埋咖哩鲜肉，2款都好好食! 咖哩鲜肉直情一咬就爆汁! 煎既火侯岩岩好，所以唔会好焦，好怕食到D煎饺个底焦晒，呢到就唔会，所以好有住家感觉，另外都加左个捞面，有辣有唔辣，系刀削面条，几好食，我谂呢个叫小辣会更惹味。