慧食貓

营业中

休息中

每次嚟葵廣都見唔少人排隊，而我都已經食咗好幾次。舖頭除咗幾個指定款式外，仲可以揀自由配搭。揀好可以直接同老闆講低自己要啲咩，整好咗之後先俾錢。老闆都好信得過大家，通常都會叫客人自動找續。火腿雞蛋肉鬆手抓餅($24)第一次揀呢一款，真係好推薦大家食。由於係即叫即整，拎上手個下真係熱辣辣。手抓餅煎到好酥脆，夾埋生菜同蕃茄食可以減少油膩感。呢個餅都好足料，裡面有火腿、雞蛋及大量嘅肉鬆，每一啖都可以食到啲餡料，真係好滿足啊。