農米莊 (豉油街)

营业中

休息中

剪完头发之后，发型师推介我去食依间米线，话自己间唔中都会外卖返屋企食下，咁我都唔执输去买返碗黎试下啦⋯店家为左保持返米线本身口感，将汤同食物分开左装。食材非常之丰富，有杞子，云耳，红枣，豆皮，虫草花，豆卜，鸡肉都不欺场，有五至六旧，仲有小花菇，倒完汤落去之后发现米线量都好澎湃，同以前嘅谭x有得挥。汤饮落去好清甜，药材味浓得黎唔会有唔舒服嘅感觉，带骨鸡肉食落有口感，但系用牙都容易咬开嘅，豆皮同豆卜索晒啲汤好正，杞子同红枣都系鲜甜可以食嘅。唯一美中不足系我食到差唔多尾时食到有条头发，如果唔系我个人会想比满分虽然有少少缺憾，但依然好推介大家试下，味道真系好ok!