Wheatfield X 羅宋湯專門店 (東薈城) (已結業)

放假行下東涌購物，竟然遇上羅宋湯專門店。餐店裝潢與某某牛肉飯專門店有幾分相似，價錢經濟美味，羅宋湯堅正，估唔到有驚喜。秘製醬油撈麵套餐 $85套餐：海派羅宋湯(豬骨)大大碗，有椰菜、紅蘿蔔、西芹，仲有兩大塊豚肉湯料十足，難得羅宋湯可不揀牛肉可揀豬骨，不喜歡吃牛的朋友都有口福，非常貼心。湯味濃郁味度適中甜甜地非常可口。套餐：上海麵(轉麻辣味麵底) +$2撈面有青蔥、花生碎，撈埋麻辣醬汁撈麵食相當惹味，煙韌口感非常好味，辣度只係BB級數，怕辣既朋友都可試試。套餐：麻辣雞柳絲雞柳絲肉質嫩滑，無骨啖啖肉，同樣是麻辣，揀埋麻辣味麵底就好匹配。套餐：凍朱古力可可 +$14朱古力味濃，少冰凍飲好飲。汁燒豬脾肉脆豬仔包 $58豬仔包厚身咬落軟熟，包皮脆卜卜，夾有大塊的汁燒豬脾肉、蕃茄、生菜、沙律醬整體味美，KO個包確實幾飽肚。小食拼盤 $78蝦角、蝦多士、蘑菇芝士釀雞翼每款兩件。蝦多士脆卜卜釀有彈牙既蝦肉，一件夠食多件會覺膩。蝦角皮脆蝦餡唔少。釀雞翼較有驚喜，咬落有拉絲口感的芝士和蘑菇，啖啖肉正。