Wheatfield X 羅宋湯專門店 (青衣城) (已結業)

早几日放工同仔仔系青衣城买鞋，之后见到间新开餐厅未食过，好奇心下去睇下有冇野岩我地两母子食啦！一睇有齐我和仔仔钟意食的野就决定买外卖回家，叹住电视食。我地两人叫左以下美食：海派罗宋汤 （猪脾肉）配螺丝粉 海派罗宋汤（牛腩）配捞上海面每套餐可以追加配菜两款，所以我地叫左以下4款：✡ 麻辣嫩鸡柳丝✡ 秘制炸鸡翼✡ 香煎猪扒✡ 香煎薄牛扒最后我仲加左个奶油脆猪仔包先讲讲呢到出名的罗宋汤，我觉得材料够哂丰富，牛腩有4旧和好多什菜，味道方便浓郁得来带点微辣，好刺激会想追住饮，而个捞上海面配上麻辣嫩鸡柳丝来食超夹。仔仔碗罗宋汤系有两片猪脾肉，倒哂螺丝粉落汤到吸哂d 汤一齐食， 连仔仔都赞好味。炸鸡翼够哂入味外皮炸得香脆， 煎猪扒和煎牛扒，肉质够腍配面都系一流。最后估唔到个奶油脆猪仔包有惊喜，就咁食已经好香脆，因为上面用牛油焗过， 之后再加上炼奶，特别香甜可口。依家外卖仲做紧8折， 咁叫法都算抵食。