蛇竇茶記 (德輔道西)

营业中

休息中

间野嘅装修都几有复古味，感觉似系比较新派嘅人开嘅茶餐厅。餐牌嘅菜式名目都好有趣，大家可以留意下。讲返正题，间野嘅午餐五十蚊楼下，份量好足，而且味道都好唔错！晚餐虽然会贵啲，但通常我会拣散嗌menu嘅野，份量差唔多但价钱平一截（$60左右）。我好钟意扒餐，会嗌鸡扒拼饭陪炒蛋，跟蒜蓉汁。除咗呢碟菜，我都推荐佢嘅台式肉燥饭，真系好饱。佢嘅捞丁都好唔错，不妨试下。我要特别赞佢嘅饮品，好大杯好满足！我钟意饮奶茶，佢呢到冲嘅偏甜，怕甜嘅记得少甜啦。