茶茶GO (已結業)

今日行完会展过嚟扫街，笃鱼蛋。见地铁站附近有间手摇，主打招牌芋头鲜奶，即刻叫返杯解渴。我饮嘅呢杯系逮丸芋头1号(白玉珍珠）饮落去鲜奶味浓，而芋头嘅texture系偏厚身，芋泥都算煮得够淋，但食落口仲保留咗少少芋头粒，有赵口。呢杯野饮完全系好足料，相信女仔饮嘅话都会有少少饱肚感。白玉珍珠就正常发挥，大粒珍珠算系弹牙。朋友就饮咗杯葡萄柚冰沙因为佢系沙冰，朋友话每一啖都好透心凉，啱晒依家夏天扫街嘅时候消一消暑。我地仲share食咗件伯爵切件巴斯克蛋糕。个蛋糕伯爵茶味好突出，伯爵茶配芝士蛋糕呢个配搭唔会出错。而去到蛋糕嘅中心仲有少少流心嘅效果，整体来讲蛋糕嘅质素都唔错。见佢有做最近大热嘅开心果味cheese cake,可惜嘅系呢个口味今日已经sold out, 下次嚟再试