芋圓一

营业中

休息中

西营盘变左文青地方，周围都系年青人打卡点。行过水街见到有唔少餐厅小店舖，其中呢间叫芋圆一食芋圆，仲要有芒果味，又有得拣仙草，多款选择，睇落亦都好夹。芒果🥭系我至爱就紧系叫一个，芋泥都吸引就配仙草。下次都想试埋热既系列。落单即叫即煮，透明碗装住见到一层层好吸引好足料。芒果个碗似杨枝金露，另外仲有小丸子同爱玉，当然仲有好多烟韧弹牙既芋圆，浸住既芒果汁又香又甜，仲有啖啖芒果肉。另一碗系加左芋泥既仙草，仲有薏米爱玉啫喱小丸子，真系好丰富，芋泥都俾得好多。