吞POT 雞煲火鍋.住家菜 (山林道) (已結業)

同朋友去尖沙咀食晚饭，见好耐都无食火锅，就book 咗呢间喺山林道嘅「吞POT 鸡煲火锅·住家菜」，一入到去就feel 到冷气好够冻。外面热到爆炸，最怕要滴住汗咁食火锅，餐厅冷气够劲真系好紧要😛打开餐牌，鸡煲同火锅汤底都好多选择，我哋拣咗个滋补螺片花胶鸡煲。一嚟到要试吓淡汤先～ 好好味呀，又劲足料，啲鸡又好滑，花胶 & 螺片多到我哋都食唔晒😋😋个鸡煲食到咁上下，我哋就请店员加汤，然后再叫咗几样火锅料继续食😬火锅一定要食牛啦😆，我哋试咗特级雪花牛肋片，厚切又好香牛味😋。另外，一定要叫佢哋个自创爆芝响铃，轻轻渌一渌 ，芝士就溶喺响铃里面，咬落去，外面脆卜卜，𥚃面啲芝士流出黎，好正呀！我哋仲叫咗手打丸&皇帝菜，都唔错，几新鲜。仲有杯西柚特饮，超大杯，配火锅真系一流！