馬來亞春色綠野景緻艷雅

营业中

休息中

喺malay食过好好味肉骨茶之后。一直都未喺香港揾到好味嘅肉骨茶。个人非常钟意走药材味路线嘅肉骨茶。所以之前见到介绍呢间餐厅已经一心要黎试下。晏昼黎到。见餐厅细细。入面得两个人好努力咁处理外卖。即使有位。都等左一阵佢地先得闲安排座位。虽然佢地都冇乜无表情。但态度良好。点完餐好快上菜。肉骨茶用砂煲上。但就唔系热辣辣。汤药材味十足。就咁饮又得。送饭又得。排骨份量足。肉够淋。不过明显系雪藏货冇咩肉味。最正系啲支竹同豆卜。吸哂啲汤超正。仲有半旧劲厚身冬菇。又系吸哂啲汤。油炸鬼仲脆冇油味。浸汤好食。不过得两旧。葱油饭望落深色。但一啲都唔咸。只有葱油味。仲送左杯冬瓜茶。唔太甜。够消暑。最后成煲野食哂。汤又饮哂。值得支持嘅小店。