大笪地花膠雞

营业中

休息中

天气开始凉，就去打个边炉暖暖身，餐厅好colorful，有卡位有房，而枱同枱都有距离，唔会坐得好迫。早左去任拣位，一到七点已经坐左大半，建议黎食订定枱比较好。系收银旁边有鱼缸位比你拣新鲜海鲜，价钱合理，见有唔少人去拣。第一次黎食一定一定要试花胶鸡汤，味道一流。今次一锅四配菜，连加一每人平均$250。大笪地花胶浓汤鸡锅 $218一黎已有半只鸡随锅送到，连一碟花胶，侍应即时帮手剪开鸡。汤望落好黄，但一搅就见到入面奶白色，饮落好滑口鸡味浓，完全唔觉得油唔觉得咸。煮多阵花胶开始溶溶地，呢个时候个汤就更加浓郁好味，会饮唔停，即刻觉得好补。蟹籽墨鱼滑 $78弹牙爽口基本，而味道就比一般更有墨鱼味道同鲜味，食得出好足料。豆苗 $40睇得出原先好干身，落汤到愈煮颜色愈绿愈有光泽，好嫩无渣，仲带有甜甜地。芝士流心牛丸 $42 (6粒)中间个芝士流心，可以拉到好长，好似平时芝心丸，但配落牛丸到多左肉汁更加好味。美国肥牛 $78正常味道，打边炉必点之一，呢到比平时食既大块好多。