麻辣派對 (金百利廣場) (已結業)

好少见烤鱼地方咁有情调，环境充满古典味，天花挂满一个个彩色绣花球，印象特别深刻！六点钟时间尚早 ，客人唔多可以慢慢影下相😬铜盘烤石斑鱼 （ 红烧蒜香味）原身配料实在太丰富！！有芽菜、莴笋 、金菇 、布豆腐 、魔芋、水晶粉等配菜！锅底本身都有水晶粉但我地决定额外加一份水晶粉，烟烟韧韧好正🤭 布豆腐系我预料之外会有嘅配菜，记忆中有三件定四件，大件又厚身，里面系蜂巢状，完全吸收晒汤汁🤩蒜香味浓郁程度适中，加上我地叫走辣，味道唔会过浓或者过淡，食完唔觉得颈渴，个人最怕愈食愈咸的汁底，呢个口味挺适合我哋！原条石班鱼炸过令鱼皮部份食起来酥脆香口👍👍肉质软绵绵且弹牙，基本上只有少少细骨，但食时依然要小心咀嚼！除咗烤鱼同水煮鱼之外，留意到餐牌上仲有好多唔同种类野食，海鲜糸列有蟹 、大小龙虾、 蛏子 ，有几款唔同煮法选择，就算唔想大鱼大肉都有米线、酸辣粉或者家常小炒…。