上海真真豆漿大王 (已結業)

放工夜左又好攰，所以去左屋企附近的真真快食个晚餐。真真旧年装修左之后成间舖干净同光猛左好多，咁当然坐都坐得舒服左。男友就话最紧要食物质素冇变。我就觉得差别不大，始终整粢饭豆浆既姐姐都系个班。😚每次去到我必叫粢饭因为佢包得真系好食，入面既油炸鬼仲系好脆同热、肉松炸菜份量好好，饭既舐度都好好，食到一粒粒糯米，但又唔会散开。虽然成廿几蚊一条，但真心足料同大份🥰而且最好就系有人同你一齐share，食半条刚刚好，又可以叫其他野。佢既豆浆都好散同黄豆味重，大部分人都钟意叫呢度既咸浆，不过我个人都系钟意饮甜既多D。酸辣汤🥘都系好正，呢个又系必叫! 个味调得刚好，而且料好多好足，比好多其他上海舖都好食! 不过记得叫细既好啦，大碗系成个汤碗咁大，实饮唔哂!男友就钟意食呢度既上海云吞，贪佢肉够多皮厚得黎面粉香。不过佢成日话装修完个汤底同之前系唔同左，可能用既镬同锅唔同左啦，因为见佢煮野食既姐姐都系同一班黎既。我就觉得个雪菜汤底一样好食。呢个40蚊餐配埋炸鸡翼🍗两只，都好够食。以呢D舖头黎讲，呢间既价钱系偏高既，不过我又觉得难得佢既食物真系做得较为出色，一分钱一分货啦。我地食左大半个钟，真系人来人往，大把街