寶貝靚湯 (已結業)

朋友附近番工介绍，成日见佢放呢度碗汤，佢见呢度dinner有做埋海鲜餐又唔太贵，咪夹埋去。第一下感觉见到呢只碗既反应系唔识比，无谂过出街可以饮到咁大碗汤，而且都真系好足料，尤其系螺肉。花胶不能要求太多，但汤料的确十足，好想饮多碗！个餐仲有鲍鱼，贵妃蚌同埋虾，正常水准，可能碗汤实在太surprise，变左对海鲜兴致唔太大了。而且仲有浸鸡同上汤娃娃菜，我反而觉得呢几样仲吸引，因为又可以饮到d汤，虽然系上汤。因为浸鸡，所以鸡几嫩滑兼有汤水香味，而且份量黎讲真系好足好足，讲紧只系每人$298，仲有每人一大碗汤米/银针粉，真系方死唔够饱。