老鍋台式火鍋 (金馬倫道) (已結業)

好耐冇打边炉啦！今日嚟到尖沙咀呢头，食咗一间以前都听过朋友提起嘅老锅台式火锅。餐厅内部行古典风格，平日嘅夜晚都几满座，餐厅有冷气区同一个半户外嘅非冷气区，想食得舒服去冷气区就最好，建议有心去嘅朋友最好预先订位啦。我哋叫咗台湾蒜香肠，涮涮羊肉片，几种丸，饮品就叫咗杭菊露（类似菊花茶嘅味道），朋友就要左乌梅汁，酸酸甜甜好解渴。我最推介依度嘅汤底，我哋要咗酸菜白肉锅，一上嚟净系个汤底都已经好足料，唔单止有正常嘅粟米冬菇嘅配料，仲有猪肉同埋宽面条，净系食呢个都会有七成饱！