餃掂手工餃子雲吞專門店

「饺掂」系一间主打手工饺子嘅连锁饺子店，饺子每日新鲜制造，真材实料👍店内环境光猛干净，装潢简约，店面唔算大，但坐得逛舒适，店员们都好亲切🫶龙凤松茸双煎饺 (8只) $98餐厅王牌推介之一嘅饺子，系黑松露同白松露双拼饺子🤗每份煎饺即叫即煎，保证上枱热辣辣，饺子皮煎到金黄色。松露配入饺子馅料，味道好滋味。啖啖都充满浓郁黑松露香，白松露味道比较清香，整体味道平衡，唔会抢走猪肉嘅鲜味！寿喜烧牛肉汤饺 (7只) $54呢个我拣左汤饺配状元九鼎汤，饺子粒粒都好饱满又大只，寿喜烧味好突出同好香浓，咬落仲好多肉汁，好惊喜💟而个汤系分开上的🫶状元九鼎汤 $20我地饮左汤饺个汤，好好味，所以额外追加多一个汤，用上左好多材料熬制而成，主要有粉葛、鲮鱼、鲫鱼、排骨、赤小豆等，不加味精，味道鲜甜。四川凉皮 $32烟韧凉皮加上香辣惹味酱汁，味道酸酸辣辣，好开胃~回味手拍青瓜 $25青瓜清甜爽脆，与调味料酱汁拌制而成，爽口清凉又开胃。自家制山揸雪梨水 $28可以点热或者冻，仲有杯装或樽装。我选择左樽装，饮落酸甜清润，食左辣野饮番几啖，可以中和下辣味。