大餃子 (已結業)

铜锣湾渣甸街新开的饺子小店🥟，平日下午去到见有大堆人围系门口等外卖。新开无耐竟然吸引到咁多人外卖😳真系唔简单。堂食空间唔算多，眼见大概6张二人枱，望一望餐牌先-白菜饺子4只+四川担担面$53小店标明饺子不隔夜，咬开果然够鲜味。每只都大大粒好多馅。饺子刚煮起食落热辣辣，但担担面汤底个温度就逊色左d。因为唔够热的关系，食食下好快就偏油。汤底味道黎讲我饮落就唔辣，仲觉得唔够浓味。-牛肉大葱饺子6只$40呢只馅味道超浓，重口味人士必叫。普遍汤饺子食落都会清清地感觉好健康，但牛肉大葱系好惹味嘅选择🙌🏼可惜佢饺子汤底只系完全清汤无味，如果唔系我会钟意一路饮汤一路食饺🙈-店员加老板睇落感情好好🤣服务态度都唔错👍🏼系附近住或者番工都可以偶尔黎食下，多个选择，但就不必特意跨区黎食。