餃掂手工餃子雲吞專門店 (已結業)

今日晚餐食饺子! 一如以往，黎到呢到一定会叫既至尊松茸猪肉饺! 好足料，好好食。仲会配埋松茸酱，一边系辣，一边系唔辣，个人比较钟意唔辣个款。呢款叫左汤饺，个皮绝对唔会太淋。仲配左佢个状元九鼎汤，粉葛味突出，成个感觉系冇味精，好好饮。煎饺就叫左寿喜烧牛肉饺，咬开热辣辣，入面好多肉汁，好juicy。今次第一次食佢既竹升米线，系偏幼身既米线，几有咬口。个汤底系有少少酸味，有D似平时食酸辣粉既味，但相对冇咁浓味。凉面都好好食，有辣再加麻酱，而且面质系弹牙个种。野饮叫左柠檬蜂蜜薏米水，都几大杯，唔会太甜。