阿里山台式美人鍋 (已結業)

最近天气转冻，所以就约左个朋友黎打边炉。平时成日食得多麻辣火锅，见到呢间有养生锅就想黎食啦！一坐低职员就好亲切咁比酱料我地捞，然后我地都好快就简好汤底：桃胶美人锅同埋酸菜白肉锅。桃胶美人锅系好滋补嘅感觉，有淡淡药材味，好似老火汤感，仲要有原只乌鸡，够肉地同嫩，有惊喜！酸菜白肉锅系偏酸嘅，所以食落就好开胃，同埋本身锅嘅配料都好多，好够味。因为得两个人，所以唔系叫左好多野。火锅配料有南海贵妃蚌、苏格兰圣子、安格斯肉眼肥牛、墨鱼丸、薯粉、生菜。海鲜够鲜味，牛重肉味嘅而且算大碟、墨鱼丸够弹牙、火锅配料都新鲜，所以加埋感补身嘅汤底就十分之满足，建议大家点都加个薯粉结尾吸哂精华真系好正