夢の丼 (已結業)

今日特登去左土瓜湾同妈咪食日本野，呢间系朋友大推既一间餐厅，佢话呢度既 丼饭好高质，叫我一定要试试，我地两个人点左几样野一齐Share，食到好饱好满足😍。-花锦鱼生丼$188系一个色彩缤纷嘅丼饭，讲得出嘅都有，粒粒三文鱼、左口鱼边、赤虾、金蟹子，等等，材料新鲜好食，饭系寿司醋饭，上面加左只蛋，好好食，鱼生口感各不同，好食！-梦之丼$298呢个都系大推嘅，好多材料，排得好靓，有三文鱼溶、三文鱼子、牡丹虾、海胆、帆立贝等等，每样鱼生都好新鲜好好食，价钱有少少贵，但绝对系高质嘅选择。-左口鱼边寿司$96两件入口即溶左口鱼，必点，轻轻炙烧过，好香。-法国蚝$76/真鲷薄切$78材料好新鲜👍🏻-蟹膏豆腐$48呢个好好食，大推介，好特别嘅小食！-柔煮鲍鱼$68加入左少少酱汁，味道唔错，切成薄片容易入口。呢度虽然位置有少少远，但职员好有礼，时常帮忙加热茶，环境又舒服，值得过黎试试。