平昌 Premium (已結業)

天气冻就想食韩国菜，除左热气嘅韩烧，其实仲有健康d嘅选择，所以同朋友拣左去平昌试下个海神汤。到底依个汤有乜咁吸引？请睇相。我地两个人点左半只鸡嘅份量，汤入面有人参、鲍鱼、扇贝、八爪鱼、虾同好多只大蚬！鸡肉唔滑但重点系海鲜好新鲜同好多，食极都有！Oppa侍应帮我地剪鸡剪八爪鱼同装汤，装到靓靓，最啱影相。个汤一定要趁热饮，冻左d海鲜都无咁好味。人参味唔重，啱我口味。除左汤，推介豆腐果仁沙律，豆腐粒炸得好脆。麻酱份量刚好，每一啖都有酱，蔬菜都新鲜。我地仲叫左猪腩肉。通常韩烧炉边都有蛋，依度仲特别，有一粒粒迷你蕃薯，甜甜地，我食左一粒，其他俾我朋友食晒。蛋我钟意系佢七成熟嘅时候食，蛋面脆，入面滑。海鲜煎饼卖相靓，煎到金黄色。平时喺其他餐厅食通常唔系好觉有海鲜，但依度就有大粒虾肉，好足料。依度有卡位坐，舒服过其他坐住个罐嘅韩烧店。烧炉上嘅吸油烟机都吸得够快，可以减少油烟味，慢慢食，慢慢坐都唔怕成身韩烧味。