沙田頭火鍋 (已結業)

虽然天气回暖, 但没有打消打边炉热爱嘅心。今日放工即兴同同事去咗旺角呢间火锅店打边炉。餐厅分上下两层, 地方整洁,汤底款式选择多, 其中一款蟹锅嘅汤底, 包含了两只肉蟹, 价钱唔洗$400, 吸引咗我地Order。酱料方面有四款配料自由混酱, 酱料费每位只系$5, 对比坊间火锅店, 真系抵到烂!【海鲜蟹皇锅】HK$388近乎奶白色嘅汤底, 浮现著不少丰富食材, 包括有两只肉蟹、沙白、鱼肚、竹笙、红萝卜同埋白萝卜。(未知是否因粟米缺货而改以红萝卜取缔)但亦无损整体味道。汤底中嘅肉蟹系新鲜滚起, 鲜甜实肉, 非滚了多时嘅汤料。鱼肚、竹笙、红萝卜同埋白萝卜尽索汤底味道, 每口鲜味无比。 【美国牛小排(细)】HK$238牛小排开边, 虽然整片色泽未算嫩红, 放入汤底中焯几下就食得; 肉质非常软腍,肉味浓。除了火锅配料, 餐厅另供应少量送酒小食, 虽然唔饮酒, 但都order咗一款小食。 【藤椒麻辣爽鱼皮】HK$68鲮鱼鱼皮超爽脆, 每咬一下都卜卜脆, 捞埋麻辣汁, 香辣惹味, 开胃。