發哥粥底海鮮火鍋 (已結業)

钟意打边炉又唔想咁热气，所以我成日都会帮衬粥底火锅，最咪食埋𠮶啖粥，即时下火又好味😋今晚去咗食发哥，最钟意食呢度啲龙虾餐，龙虾新鲜爽口。龙虾🦞餐每位$288，份量都几多，有拼盘有小食，仲有自选八道菜之后用嚟打边炉，最尾仲可以食埋个粥底，够晒饱！龙虾餐海鲜拼盘包括有安格斯牛肩肉、贵妃蚌、多宝鱼、海虾、圣子皇、黄金蚬、时令贝，海鲜款式多，每种份量够一人食，啱晒花心钟意使多款食物嘅我！最钟意食圣子王，够晒大只够晒鲜甜，平时买一只都唔平。可以拣新鲜鲍鱼或者冰镇鲍鱼，最尾我哋拣咗新鲜鲍鱼，上枱𠮶阵真系好新鲜仲郁紧，所以食落真系好鲜甜好好味。时令炖汤好足料，而且饮落好浓郁，真系煲咗好耐嘅老火汤。另外火锅配料8款叫咗日本黑豚肉、滑牛肉、松花皮蛋、鱼片头、新鲜猪红、自家制云吞、滋神花胶和自家制虾丸。最美嘅精华粥底真系超好味，集合左所有海鲜嘅鲜甜，收画龙点睛之效。