Lockeroom Dining (朗晴坊) (已結業)

今日同朋友行完旺角去咗朗晴坊既Lockroom Dining食晚餐。呢间餐厅足球做主题，入面放满阿仙奴既摆设。坐低咗之后我地叫咗dinner set，个套系有埋沙律、餐汤、蒜蓉包、主菜同餐饮。首先黎咗个沙律，系用个玻璃樽装住，入面有罗马生菜、蕃茄，可以捞沙律酱一齐食。之后就黎咗洋葱汤，入面啲洋葱系打碎哂既，饮落甜甜地，配埋蒜蓉包好夹。主菜方面我就叫咗牛肉眼拼法国鹅肝，鹅肝煎得外脆内暖，保留左好重鹅脂。牛肉眼亦都煎得十分出色，就算系七成亦都煎得好冧，同食落好香牛味。而黑毛猪拼北海道元贝，个BBQ酱同整个黑毛猪好夹，食落去甜甜酸酸，可以平衡返佢黑毛猪𠮶种济嘅感觉。最后嘢饮方面，杯即磨咖啡豆味好香，而果茶就好足料，有好多水果粒，但系就偏甜咗啲。