Lockeroom Dining (朗晴坊) (已結業)

上网咁啱见到有间用足球做主题嘅餐厅，咁啱朋友系阿仙奴嘅球迷，所以就嚟二间餐厅食下呢度周围都系亚仙奴嘅摆设同埋装修，开咗好多有纪念价值嘅波衫、同埋好多相。主菜我叫咗香烧美国牛肉眼并法国鹅肝，呢个本身系套餐有包沙律同餐饮同餐汤，所以都几抵食嘅。本身钟意食牛肉嘅我对呢个餐特别有期待，我哋就嗌左五成熟，牛肉切出嚟都有粉嫩嘅肉，口感都几Juicy，都好友肉味配埋不过侧边嘅紫薯配菜就口感一半，隔离嘅伴菜仲有羽衣甘蓝都几好食。另外我加咗个咸蛋黄小食拼盘，里面有薯角、洋葱圈、德国肠、炸鸡翼，我几钟意佢用咸蛋黄整嘅炸鸡翼，咸蛋黄有阵阵檀香嘅味道，同鸡翼都几夹嘅，其余嘅并盘食物都OK，不过整体上有少少油，要食返多啲菜平衡返啦。所以之后我加多咗个凯撒沙律，沙律佢几得意用咗个玻璃樽去装住，摆盆几有特色，唔好睇个玻璃樽咁细，其实食落入边都好多菜，份量都几大下，佢有啲烟肉粒粒同埋面包粒一齐配埋食，感觉都几新鲜同几有口感。