跑緣 (已搬遷) 新店位置

跑缘应该系全港唯一一间以跑步为主题嘅 cafe，老板系 68 岁嘅牧师 Dino。有宗教背景，可想而知 cafe 除咗做生意之外，亦都会参与社区服务，例如售卖饭券，派饭畀无家者等，可谓又黄有又有良知。既然以跑步为主题，店内嘅装饰同摆设当然同呢个主题有关，例如：放咗一啲有关跑步嘅书籍供食客借阅读；整咗一幅贴有跑手号码布嘅墙，前面仲挂满奖牌。除此之外，由于 Dino 亦有开班教授养生跑，所以店内有一幅墙画咗佢嘅跑步四式心得，图文并茂，资讯与趣味并重。叫咗个意式香辣虾意粉，原先估计系茄酱同 Tabasco 味为主，点知上枱时先发现原来系creamy 嘅蕃茄酱汁。由于叫咗少辣，辣味真系一瞬即逝😂，不过整体嚟讲，个意粉酸酸甜甜，配以洋葱同虾仁，再加上旁边嘅沙律，味道系唔错嘅。Dino 话大厨姨姨以前系社工，真系失敬失敬。再叫咗杯 Dirty (Dino 牧师 Special)，采用嘅系明治奶，奶味好浓，本来并唔系我钟意嘅口味，不过由于咖啡味都好浓，成杯咖啡因而取得平衡，好饮👍。据 Dino 讲，咖啡用咗哥伦比亚豆，份量又由 18 gram 增加到 21.6 gram，所以果酸味少咗，咖啡味浓咗。