山喬居酒屋

营业中

休息中

跑马地听落好似好隔涉 其实要过嚟都好方便🚃之前朋友介绍过呢间山乔居酒屋 我就特登揾一晚同厚切过嚟食个晚餐 又系我至爱嘅日本野啊😛餐厅装修以木系为主 简洁得嚟有格调 仲有种温馨嘅感觉🏮ꕥ 左口鱼薄切肉质柔软细腻 咬落又爽又甜🐟配搭嘅酱汁带点微酸 令鲜味更突出 可以夹埋葱同萝卜蓉一齐食 会更加有层次ꕥ 银鳕鱼西京烧我至爱嘅银鳕鱼😍鱼油充足 肉质嫩滑 鱼皮烧到脆脆地 一流ꕥ 串烧叫咗几款🍡厚烧牛舌大推 厚身得嚟好软稔 经过盐烧 味道都好突出🐂荔枝豚肉串呢个配搭好新鲜 荔枝可以减去豚肉嘅腻感 几清新🐷盐烧鸡翼几大只 外脆内嫩够juicy🐔而烧菠萝卖相都好靓 面头加咗焦糖一齐烧 食落清甜 啱晒食完饭之后当甜品🍍ꕥ 牛肉汤乌冬好大碗啊🍜钟意上枱时牛肉仲系半生熟状态 所以入口时都仲系好软嫩