昌記

营业中

休息中

喺ig见到劲厚嘅奶酱厚多士好吸引，即刻weekend入去跑马地食晏。熟食中心喺街市大楼二楼，搭䢂上去一开䢂门就有人问你几位，因为成层有几间餐厅，好似去咗游客区要拉客咁… 一心谂住嚟食昌记，行到最尾最入𠮶间就系。十二点几嚟到已经满座。侍应姐姐担櫈畀我哋坐埋一边等位，同埋睇定餐牌有咩食。听讲呢度嘅猪扒同雪菜肉丝都出名，用上新鲜雪菜，而非一般茶餐厅用嘅罐头货。食落雪菜唔会死咸而且爽口，肉丝唔算好腍但胜有肉味猪扒煎得金黄卖相唔错，肉质唔算好腍，味道中规中矩。沙嗲牛肉猪扒面呢个组合好丰富，牛肉同猪扒份量都好多。沙嗲牛肉偏重口味但花生味唔系特别浓郁，牛肉嫩滑都唔错声称系「全港第一厚多士」有足足5cm厚。可以牛油、花生酱、砂糖同炼奶任选两样。本身我拣花生酱加砂糖，但侍应姐姐有啲意见，可能太少人咁样拣我细个喺屋企会咁样整😂最后拣咗牛油加砂糖。多士表面㶶得够脆身，但唔会干，面包中间仍然松软有弹性，用手指大力揿扁佢会完全回弹，根本同日本𠮶啲乜乜生吐司一样咁松软！饮品点咗冻奶茶同热奶茶，奶茶香浓而细滑，茶底几出色总括嚟讲食物质素唔错，奶茶又好饮，而且价钱平。估唔到咁出名嘅舖头啲侍应姐姐服务态度咁好又有礼貌。