Little Napoli (已結業)

之前上网睇过蔡san介绍过呢间 Napoli Pizza 之后唔少人都推介呢间舖头，嚟食野嘅朋友需要留意开门时间，朝早系12:00pm至2:00pm，6:00pm至 9:00pm，唔好摸门钉呀。今次大约晚上8点去到跑马地谂住应该会少啲人，点知去到门口已经见人头涌涌，Staff亦系到贴左张sold out字，啱啱嚟到无理由空手而回，于是入去问Staff原来佢话无晒某种材料，所以某款pizza无啫。两个人入去点左最传统嘅 Margherita，人太多等位连等Pizza应该等咗30至40分钟左右。店舖整多左张枱但好迫，全店应该一共有8个位左右。Margherita 终于嚟啦，可能系舖头主打外卖关系，全部堂食都系用用个Pizza盒，Pizza简单用蕃茄酱加芝士同罗勒整。 即叫即整，Pizza皮软香，拎起啲油都滴落嚟好新鲜，食完完全唔会口干或者要劲饮水，成份天然。如果住得近或者附近有地方坐外卖会较好，始终坐位真系比较少。