Ask For Alonzo (黃泥涌道)

营业中

休息中

今日同老公小纪念日，想去食个好西。去左旺中带静既跑马地，搭叮叮入去已经好chill，总要一落跑马地总站就到间餐厅，好方便。望住出面宁静既街景食野，另有一番风味。呢间意大利餐厅嘅 Tasting Menu三个course，有appetizer, main course 同甜品。部份选择要再加钱，但性价比都好高。头盘拣Meatball 同Sautéed Clams，Meatball肉味香浓，每啖都有牛油脂，搭配新鲜蕃茄酱解油腻。面头仲有块巴马臣芝士增加层次。白酒炒蚬份量都唔少，粒粒都好饱满，唔会过熟，有淡淡嘅香辣柠檬加白酒高汤都唔会抢咗蚬嘅鲜味。主菜拣咗意式烤乳猪同辣肉肠螺丝粉，两样都好出色。有两大片厚嘅乳猪配磨菇薯蓉，乳猪皮超级香脆，连同油脂同烤猪肉一齐食好满足😌辣肉肠螺丝粉超惹味，口感烟韧弹牙，辣辣地好开胃，食食吓都几辣，钟意食辣嘅朋友大推🌶️最后食埋Tiramisu同cheesecake好完美💕