上海弄堂菜肉餛飩 (綿發街)

营业中

休息中

今日去咗跑马地上海弄堂，见最近凉凉地想食啲暖嘢，上海菜就啱晒我同朋友！先嚟嘅系热辣辣嘅大麦茶，味道香浓。我哋叫咗一个超值一人套餐同一个午市套餐share食，十分实惠。朋友试咗阳春面，面条弹牙有嚼劲，而且相对幼身，好啱佢口味。我就拣咗健康嘅菜饭，好大碗。前菜拣咗我最钟意嘅镇江肴肉。呢味特色菜整得非常好，唔会太肥腻，好似啫喱咁嘅口感。主菜拣咗红烧牛肉，仲有白萝卜，白萝卜炆得几好，够腍够入味。另外一道主菜拣咗镇江排骨，亦非常值得品尝，酸酸甜甜的味道非常开胃。饮品我叫咗杯冻豆浆，几香滑。朋友叫左杯茅根甘蔗水，清清甜甜咁，中和返今餐比较浓味嘅食物。超值套餐仲送咗酸辣汤，系我最钟意嘅汤之一。味道浓沃又足料，既开胃又有口感，辣辣地仲可以暖身。